Ahmed Faraz Amazing Urdu Hindi Romantic Shayari | Best Ghazals in Urdu By Ahmed Faraz | Best Poetry In Urdu | Best Shayari Collection In Urdu

Ahmed Faraz Amazing Urdu Hindi Romantic Shayari | Best Ghazals in Urdu By Ahmed Faraz | Best Poetry In Urdu | Best Shayari Collection In Urdu

Ahmed Faraz Shayari; express your inclination with the adoration and miserable Shayari of Ahmed Faraz sahib. He was a popular Poet , for the most part individuals Ahmed Faraz Urdu Hindi Romantic Shayari contrast and Faiz Ahmed Faiz Poetry.

Ahmed Faraz, the ruler of Urdu writing, made a spot in the hearts of individuals with his ghazals and Shayari. Faraz Ahmed is known all around the world for his Poetry. In the event that u love Ahmed Faraz Shayari so you can impart it to a companion and online entertainment.

Ahmed Faraz Amazing Urdu Ghazals

غزل

عاشقی میں میرؔ جیسے خواب مت دیکھا کرو 

باؤلے ہو جاؤ گے مہتاب مت دیکھا کرو 

جستہ جستہ پڑھ لیا کرنا مضامین وفا 

پر کتاب عشق کا ہر باب مت دیکھا کرو 

اس تماشے میں الٹ جاتی ہیں اکثر کشتیاں 

ڈوبنے والوں کو زیر آب مت دیکھا کرو 

مے کدے میں کیا تکلف مے کشی میں کیا حجاب 

بزم ساقی میں ادب آداب مت دیکھا کرو 

ہم سے درویشوں کے گھر آؤ تو یاروں کی طرح 

ہر جگہ خس خانہ و برفاب مت دیکھا کرو 

مانگے تانگے کی قبائیں دیر تک رہتی نہیں 

یار لوگوں کے لقب القاب مت دیکھا کرو 

تشنگی میں لب بھگو لینا بھی کافی ہے فرازؔ 

جام میں صہبا ہے یا زہراب مت دیکھا کرو

Poetry In Urdu

 غزل

اس نے سکوت شب میں بھی اپنا پیام رکھ دیا 

ہجر کی رات بام پر ماہ تمام رکھ دیا 

آمد دوست کی نوید کوئے وفا میں عام تھی 

میں نے بھی اک چراغ سا دل سر شام رکھ دیا 

شدت تشنگی میں بھی غیرت مے کشی رہی 

اس نے جو پھیر لی نظر میں نے بھی جام رکھ دیا 

اس نے نظر نظر میں ہی ایسے بھلے سخن کہے 

میں نے تو اس کے پاؤں میں سارا کلام رکھ دیا 

دیکھو یہ میرے خواب تھے دیکھو یہ میرے زخم ہیں 

میں نے تو سب حساب جاں بر سر عام رکھ دیا 

اب کے بہار نے بھی کیں ایسی شرارتیں کہ بس 

کبک دری کی چال میں تیرا خرام رکھ دیا 

جو بھی ملا اسی کا دل حلقہ بگوش یار تھا 

اس نے تو سارے شہر کو کر کے غلام رکھ دیا 

اور فرازؔ چاہئیں کتنی محبتیں تجھے 

ماؤں نے تیرے نام پر بچوں کا نام رکھ دیا 

Ahmed Faraz amazing Urdu Poetry

غزل

اب کے تجدید وفا کا نہیں امکاں جاناں 

یاد کیا تجھ کو دلائیں ترا پیماں جاناں 

یوں ہی موسم کی ادا دیکھ کے یاد آیا ہے 

کس قدر جلد بدل جاتے ہیں انساں جاناں 

زندگی تیری عطا تھی سو ترے نام کی ہے 

ہم نے جیسے بھی بسر کی ترا احساں جاناں 

دل یہ کہتا ہے کہ شاید ہے فسردہ تو بھی 

دل کی کیا بات کریں دل تو ہے ناداں جاناں 

اول اول کی محبت کے نشے یاد تو کر 

بے پیے بھی ترا چہرہ تھا گلستاں جاناں 

آخر آخر تو یہ عالم ہے کہ اب ہوش نہیں 

رگ مینا سلگ اٹھی کہ رگ جاں جاناں 

مدتوں سے یہی عالم نہ توقع نہ امید 

دل پکارے ہی چلا جاتا ہے جاناں جاناں 

ہم بھی کیا سادہ تھے ہم نے بھی سمجھ رکھا تھا 

غم دوراں سے جدا ہے غم جاناں جاناں 

اب کے کچھ ایسی سجی محفل یاراں جاناں 

سر بہ زانو ہے کوئی سر بہ گریباں جاناں 

ہر کوئی اپنی ہی آواز سے کانپ اٹھتا ہے 

ہر کوئی اپنے ہی سائے سے ہراساں جاناں 

جس کو دیکھو وہی زنجیر بہ پا لگتا ہے 

شہر کا شہر ہوا داخل زنداں جاناں 

اب ترا ذکر بھی شاید ہی غزل میں آئے 

اور سے اور ہوئے درد کے عنواں جاناں 

ہم کہ روٹھی ہوئی رت کو بھی منا لیتے تھے 

ہم نے دیکھا ہی نہ تھا موسم ہجراں جاناں 

ہوش آیا تو سبھی خواب تھے ریزہ ریزہ 

جیسے اڑتے ہوئے اوراق پریشاں جاناں 

Shayari In Urdu

غزل

اس کو جدا ہوئے بھی زمانہ بہت ہوا 

اب کیا کہیں یہ قصہ پرانا بہت ہوا 

ڈھلتی نہ تھی کسی بھی جتن سے شب فراق 

اے مرگ ناگہاں ترا آنا بہت ہوا 

ہم خلد سے نکل تو گئے ہیں پر اے خدا 

اتنے سے واقعے کا فسانہ بہت ہوا 

اب ہم ہیں اور سارے زمانے کی دشمنی 

اس سے ذرا سا ربط بڑھانا بہت ہوا 

اب کیوں نہ زندگی پہ محبت کو وار دیں 

اس عاشقی میں جان سے جانا بہت ہوا 

اب تک تو دل کا دل سے تعارف نہ ہو سکا 

مانا کہ اس سے ملنا ملانا بہت ہوا 

کیا کیا نہ ہم خراب ہوئے ہیں مگر یہ دل 

اے یاد یار تیرا ٹھکانہ بہت ہوا 

کہتا تھا ناصحوں سے مرے منہ نہ آئیو 

پھر کیا تھا ایک ہو کا بہانہ بہت ہوا 

لو پھر ترے لبوں پہ اسی بے وفا کا ذکر 

احمد فرازؔ تجھ سے کہا نا بہت ہوا 

Best Urdu Ghazal By Ahmed Faraz

غزل

اب اور کیا کسی سے مراسم بڑھائیں ہم 

یہ بھی بہت ہے تجھ کو اگر بھول جائیں ہم 

صحرائے زندگی میں کوئی دوسرا نہ تھا 

سنتے رہے ہیں آپ ہی اپنی صدائیں ہم 

اس زندگی میں اتنی فراغت کسے نصیب 

اتنا نہ یاد آ کہ تجھے بھول جائیں ہم 

تو اتنی دل زدہ تو نہ تھی اے شب فراق 

آ تیرے راستے میں ستارے لٹائیں ہم 

وہ لوگ اب کہاں ہیں جو کہتے تھے کل فرازؔ 

ہے ہے خدا نہ کردہ تجھے بھی رلائیں ہم 

Ahmed Faraz Famous Poetry

غزل

ہر کوئی دل کی ہتھیلی پہ ہے صحرا رکھے 

کس کو سیراب کرے وہ کسے پیاسا رکھے 

عمر بھر کون نبھاتا ہے تعلق اتنا 

اے مری جان کے دشمن تجھے اللہ رکھے 

ہم کو اچھا نہیں لگتا کوئی ہم نام ترا 

کوئی تجھ سا ہو تو پھر نام بھی تجھ سا رکھے 

دل بھی پاگل ہے کہ اس شخص سے وابستہ ہے 

جو کسی اور کا ہونے دے نہ اپنا رکھے 

کم نہیں طمع عبادت بھی تو حرص زر سے 

فقر تو وہ ہے کہ جو دین نہ دنیا رکھے 

ہنس نہ اتنا بھی فقیروں کے اکیلے پن پر 

جا خدا میری طرح تجھ کو بھی تنہا رکھے 

یہ قناعت ہے اطاعت ہے کہ چاہت ہے فرازؔ 

ہم تو راضی ہیں وہ جس حال میں جیسا رکھے 

Best Poetry In Urdu

غزل

سامنے اس کے کبھی اس کی ستائش نہیں کی 

دل نے چاہا بھی اگر ہونٹوں نے جنبش نہیں کی 

اہل محفل پہ کب احوال کھلا ہے اپنا 

میں بھی خاموش رہا اس نے بھی پرسش نہیں کی 

جس قدر اس سے تعلق تھا چلا جاتا ہے 

اس کا کیا رنج ہو جس کی کبھی خواہش نہیں کی 

یہ بھی کیا کم ہے کہ دونوں کا بھرم قائم ہے 

اس نے بخشش نہیں کی ہم نے گزارش نہیں کی 

اک تو ہم کو ادب آداب نے پیاسا رکھا 

اس پہ محفل میں صراحی نے بھی گردش نہیں کی 

ہم کہ دکھ اوڑھ کے خلوت میں پڑے رہتے ہیں 

ہم نے بازار میں زخموں کی نمائش نہیں کی 

اے مرے ابر کرم دیکھ یہ ویرانۂ جاں 

کیا کسی دشت پہ تو نے کبھی بارش نہیں کی 

کٹ مرے اپنے قبیلے کی حفاظت کے لیے 

مقتل شہر میں ٹھہرے رہے جنبش نہیں کی 

وہ ہمیں بھول گیا ہو تو عجب کیا ہے فرازؔ 

ہم نے بھی میل ملاقات کی کوشش نہیں کی 

Best Ghazals in Urdu

غزل

دکھ فسانہ نہیں کہ تجھ سے کہیں 

دل بھی مانا نہیں کہ تجھ سے کہیں 

آج تک اپنی بیکلی کا سبب 

خود بھی جانا نہیں کہ تجھ سے کہیں 

بے طرح حال دل ہے اور تجھ سے 

دوستانہ نہیں کہ تجھ سے کہیں 

ایک تو حرف آشنا تھا مگر 

اب زمانہ نہیں کہ تجھ سے کہیں 

قاصدا ہم فقیر لوگوں کا 

اک ٹھکانہ نہیں کہ تجھ سے کہیں 

اے خدا درد دل ہے بخشش دوست 

آب و دانہ نہیں کہ تجھ سے کہیں 

اب تو اپنا بھی اس گلی میں فرازؔ 

آنا جانا نہیں کہ تجھ سے کہیں 

Ahmed Faraz Poetry Shayari

غزل

گفتگو اچھی لگی ذوق نظر اچھا لگا 

مدتوں کے بعد کوئی ہم سفر اچھا لگا 

دل کا دکھ جانا تو دل کا مسئلہ ہے پر ہمیں 

اس کا ہنس دینا ہمارے حال پر اچھا لگا 

ہر طرح کی بے سر و سامانیوں کے باوجود 

آج وہ آیا تو مجھ کو اپنا گھر اچھا لگا 

باغباں گلچیں کو چاہے جو کہے ہم کو تو پھول 

شاخ سے بڑھ کر کف دل دار پر اچھا لگا 

کوئی مقتل میں نہ پہنچا کون ظالم تھا جسے 

تیغ قاتل سے زیادہ اپنا سر اچھا لگا 

ہم بھی قائل ہیں وفا میں استواری کے مگر 

کوئی پوچھے کون کس کو عمر بھر اچھا لگا 

اپنی اپنی چاہتیں ہیں لوگ اب جو بھی کہیں 

اک پری پیکر کو اک آشفتہ سر اچھا لگا 

میرؔ کے مانند اکثر زیست کرتا تھا فرازؔ 

تھا تو وہ دیوانہ سا شاعر مگر اچھا لگا 

Urdu Hindi Romantic Shayari

غزل

جس سمت بھی دیکھوں نظر آتا ہے کہ تم ہو 

اے جان جہاں یہ کوئی تم سا ہے کہ تم ہو 

یہ خواب ہے خوشبو ہے کہ جھونکا ہے کہ پل ہے 

یہ دھند ہے بادل ہے کہ سایا ہے کہ تم ہو 

اس دید کی ساعت میں کئی رنگ ہیں لرزاں 

میں ہوں کہ کوئی اور ہے دنیا ہے کہ تم ہو 

دیکھو یہ کسی اور کی آنکھیں ہیں کہ میری 

دیکھوں یہ کسی اور کا چہرہ ہے کہ تم ہو 

یہ عمر گریزاں کہیں ٹھہرے تو یہ جانوں 

ہر سانس میں مجھ کو یہی لگتا ہے کہ تم ہو 

ہر بزم میں موضوع سخن دل زدگاں کا 

اب کون ہے شیریں ہے کہ لیلیٰ ہے کہ تم ہو 

اک درد کا پھیلا ہوا صحرا ہے کہ میں ہوں 

اک موج میں آیا ہوا دریا ہے کہ تم ہو 

وہ وقت نہ آئے کہ دل زار بھی سوچے 

اس شہر میں تنہا کوئی ہم سا ہے کہ تم ہو 

آباد ہم آشفتہ سروں سے نہیں مقتل 

یہ رسم ابھی شہر میں زندہ ہے کہ تم ہو 

اے جان فرازؔ اتنی بھی توفیق کسے تھی 

ہم کو غم ہستی بھی گوارا ہے کہ تم ہو 

Ahmed Faraz Amazing Urdu Hindi Romantic Shayari | Best Ghazals in Urdu By Ahmed Faraz | Best Poetry In Urdu | Best Shayari Collection In Urdu