Amjad Islam Amjad Poetry Shayari & Ghazals in Urdu | Best Urdu Ghazals Collection By Amjad Islam Amjad | Amjad Islam Amjad Sad Poetry In Urdu

Amjad Islam Amjad Best Ghazals in Urdu, PP, Sitara-e-Imtiaz is a Urdu artist, show author and lyricist from Pakistan. The writer of in excess of 40 books in a vocation crossing 50 years, he has gotten many honors for his scholarly work and screenplay for TV, including Pride of Performance and Sitara-e-Imtiaz Awards.

 

Amjad Islam Amjad Poetry Shayari & Ghazals permits perusers to communicate their internal sentiments with the assistance of wonderful Shayari. Amjad Islam Amjad shayari and ghazals is famous among individuals who love to peruse great sonnets. You can understand 2 and 4 lines Poetry, and Amjad Islam Amjad Shayari pictures can undoubtedly impart it to your friends and family including your loved ones. 

Up till, a few books have been composed on Amjad Islam Amjad Shayari. Urdu Ghazal perusers have their own decision or inclination and here you can peruse Amjad Islam Amjad Shayari in Urdu from various classifications.

Best Ghazals in Urdu

غزل

دوریاں سمٹنے میں دیر کچھ تو لگتی ہے 

رنجشوں کے مٹنے میں دیر کچھ تو لگتی ہے 

ہجر کے دوراہے پر ایک پل نہ ٹھہرا وہ 

راستے بدلنے میں دیر کچھ تو لگتی ہے 

آنکھ سے نہ ہٹنا تم آنکھ کے جھپکنے تک 

آنکھ کے جھپکنے میں دیر کچھ تو لگتی ہے 

حادثہ بھی ہونے میں وقت کچھ تو لیتا ہے 

بخت کے بگڑنے میں دیر کچھ تو لگتی ہے 

خشک بھی نہ ہو پائی روشنائی حرفوں کی 

جان من مکرنے میں دیر کچھ تو لگتی ہے 

فرد کی نہیں ہے یہ بات ہے قبیلے کی 

گر کے پھر سنبھلنے میں دیر کچھ تو لگتی ہے 

درد کی کہانی کو عشق کے فسانے کو 

داستان بننے میں دیر کچھ تو لگتی ہے 

دستکیں بھی دینے پر در اگر نہ کھلتا ہو 

سیڑھیاں اترنے میں دیر کچھ تو لگتی ہے 

خواہشیں پرندوں سے لاکھ ملتی جلتی ہوں 

دوست پر نکلنے میں دیر کچھ تو لگتی ہے 

عمر بھر کی مہلت تو وقت ہے تعارف کا 

زندگی سمجھنے میں دیر کچھ تو لگتی ہے 

رنگ یوں تو ہوتے ہیں بادلوں کے اندر ہی 

پر دھنک کے بننے میں دیر کچھ تو لگتی ہے 

ان کی اور پھولوں کی ایک سی ردائیں ہیں 

تتلیاں پکڑنے میں دیر کچھ تو لگتی ہے 

زلزلے کی صورت میں عشق وار کرتا ہے 

سوچنے سمجھنے میں دیر کچھ تو لگتی ہے 

بھیڑ وقت لیتی ہے رہنما پرکھنے میں 

کاروان بننے میں دیر کچھ تو لگتی ہے 

ہو چمن کے پھولوں کا یا کسی پری وش کا 

حسن کے سنورنے میں دیر کچھ تو لگتی ہے 

مستقل نہیں امجدؔ یہ دھواں مقدر کا 

لکڑیاں سلگنے میں دیر کچھ تو لگتی ہے 

Amjad Islam Amjad Poetry In Urdu

غزل

بھیڑ میں اک اجنبی کا سامنا اچھا لگا 

سب سے چھپ کر وہ کسی کا دیکھنا اچھا لگا 

سرمئی آنکھوں کے نیچے پھول سے کھلنے لگے 

کہتے کہتے کچھ کسی کا سوچنا اچھا لگا 

بات تو کچھ بھی نہیں تھیں لیکن اس کا ایک دم 

ہاتھ کو ہونٹوں پہ رکھ کر روکنا اچھا لگا 

چائے میں چینی ملانا اس گھڑی بھایا بہت 

زیر لب وہ مسکراتا شکریہ اچھا لگا 

دل میں کتنے عہد باندھے تھے بھلانے کے اسے 

وہ ملا تو سب ارادے توڑنا اچھا لگا 

بے ارادہ لمس کی وہ سنسنی پیاری لگی 

کم توجہ آنکھ کا وہ دیکھنا اچھا لگا 

نیم شب کی خاموشی میں بھیگتی سڑکوں پہ کل 

تیری یادوں کے جلو میں گھومنا اچھا لگا 

اس عدوئے جاں کو امجدؔ میں برا کیسے کہوں 

جب بھی آیا سامنے وہ بے وفا اچھا لگا 

Amjad Islam Amjad Shayari

غزل

یہ اور بات ہے تجھ سے گلا نہیں کرتے 

جو زخم تو نے دیے ہیں بھرا نہیں کرتے 

ہزار جال لیے گھومتی پھرے دنیا 

ترے اسیر کسی کے ہوا نہیں کرتے 

یہ آئنوں کی طرح دیکھ بھال چاہتے ہیں 

کہ دل بھی ٹوٹیں تو پھر سے جڑا نہیں کرتے 

وفا کی آنچ سخن کا تپاک دو ان کو 

دلوں کے چاک رفو سے سلا نہیں کرتے 

جہاں ہو پیار غلط فہمیاں بھی ہوتی ہیں 

سو بات بات پہ یوں دل برا نہیں کرتے 

ہمیں ہماری انائیں تباہ کر دیں گی 

مکالمے کا اگر سلسلہ نہیں کرتے 

جو ہم پہ گزری ہے جاناں وہ تم پہ بھی گزرے 

جو دل بھی چاہے تو ایسی دعا نہیں کرتے 

ہر اک دعا کے مقدر میں کب حضوری ہے 

تمام غنچے تو امجدؔ کھلا نہیں کرتے 

Best Poetry In Urdu

غزل

چہرے پہ مرے زلف کو پھیلاؤ کسی دن 

کیا روز گرجتے ہو برس جاؤ کسی دن 

رازوں کی طرح اترو مرے دل میں کسی شب 

دستک پہ مرے ہاتھ کی کھل جاؤ کسی دن 

پیڑوں کی طرح حسن کی بارش میں نہا لوں 

بادل کی طرح جھوم کے گھر آؤ کسی دن 

خوشبو کی طرح گزرو مری دل کی گلی سے 

پھولوں کی طرح مجھ پہ بکھر جاؤ کسی دن 

گزریں جو میرے گھر سے تو رک جائیں ستارے 

اس طرح مری رات کو چمکاؤ کسی دن 

میں اپنی ہر اک سانس اسی رات کو دے دوں 

سر رکھ کے مرے سینے پہ سو جاؤ کسی دن 

Best Urdu Ghazals Collection

غزل

کہاں آ کے رکنے تھے راستے کہاں موڑ تھا اسے بھول جا 

وہ جو مل گیا اسے یاد رکھ جو نہیں ملا اسے بھول جا 

وہ ترے نصیب کی بارشیں کسی اور چھت پہ برس گئیں 

دل بے خبر مری بات سن اسے بھول جا اسے بھول جا 

میں تو گم تھا تیرے ہی دھیان میں تری آس تیرے گمان میں 

صبا کہہ گئی مرے کان میں مرے ساتھ آ اسے بھول جا 

کسی آنکھ میں نہیں اشک غم ترے بعد کچھ بھی نہیں ہے کم 

تجھے زندگی نے بھلا دیا تو بھی مسکرا اسے بھول جا 

کہیں چاک جاں کا رفو نہیں کسی آستیں پہ لہو نہیں 

کہ شہید راہ ملال کا نہیں خوں بہا اسے بھول جا 

کیوں اٹا ہوا ہے غبار میں غم زندگی کے فشار میں 

وہ جو درد تھا ترے بخت میں سو وہ ہو گیا اسے بھول جا 

تجھے چاند بن کے ملا تھا جو ترے ساحلوں پہ کھلا تھا جو 

وہ تھا ایک دریا وصال کا سو اتر گیا اسے بھول جا 

Best Urdu Poetry Collection

غزل

یہ جو حاصل ہمیں ہر شے کی فراوانی ہے 

یہ بھی تو اپنی جگہ ایک پریشانی ہے 

زندگی کا ہی نہیں ٹھور ٹھکانہ معلوم 

موت تو طے ہے کہ کس وقت کہاں آنی ہے 

کوئی کرتا ہی نہیں ذکر وفاداری کا 

ان دنوں عشق میں آسانی ہی آسانی ہے 

کب یہ سوچا تھا کبھی دوست کہ یوں بھی ہوگا 

تیری صورت تری آواز سے پہچانی ہے 

چین لینے ہی نہیں دیتی کسی پل مجھ کو 

روز اول سے مرے ساتھ جو حیرانی ہے 

یہ بھی ممکن ہے کہ آبادی ہو اس سے آگے 

یہ جو تا حد نظر پھیلتی ویرانی ہے 

کیوں ستارے ہیں کہیں اور کہیں آنسو ہیں 

آنکھ والوں نے یہی رمز نہیں جانی ہے 

تخت سے تختہ بہت دور نہیں ہوتا ہے 

بس یہی بات ہمیں آپ کو بتلانی ہے 

دوست کی بزم ہی وہ بزم ہے امجدؔ کہ جہاں 

عقل کو ساتھ میں رکھنا بڑی نادانی ہے 

Sad Urdu Poetry

غزل

جو دن تھا ایک مصیبت تو رات بھاری تھی 

گزارنی تھی مگر زندگی، گزاری تھی 

سواد شوق میں ایسے بھی کچھ مقام آئے 

نہ مجھ کو اپنی خبر تھی نہ کچھ تمہاری تھی 

لرزتے ہاتھوں سے دیوار لپٹی جاتی تھی 

نہ پوچھ کس طرح تصویر وہ اتاری تھی 

جو پیار ہم نے کیا تھا وہ کاروبار نہ تھا 

نہ تم نے جیتی یہ بازی نہ میں نے ہاری تھی 

طواف کرتے تھے اس کا بہار کے منظر 

جو دل کی سیج پہ اتری عجب سواری تھی 

تمہارا آنا بھی اچھا نہیں لگا مجھ کو 

فسردگی سی عجب آج دل پہ طاری تھی 

کسی بھی ظلم پہ کوئی بھی کچھ نہ کہتا تھا 

نہ جانے کون سی جاں تھی جو اتنی پیاری تھی 

ہجوم بڑھتا چلا جاتا تھا سر محفل 

بڑے رسان سے قاتل کی مشق جاری تھی 

تماشا دیکھنے والوں کو کون بتلاتا 

کہ اس کے بعد انہی میں کسی کی باری تھی 

وہ اس طرح تھا مرے بازوؤں کے حلقے میں 

نہ دل کو چین تھا امجدؔ نہ بے قراری تھی 

Urdu Hindi Romantic Shayari

غزل

اپنے گھر کی کھڑکی سے میں آسمان کو دیکھوں گا 

جس پر تیرا نام لکھا ہے اس تارے کو ڈھونڈوں گا 

تم بھی ہر شب دیا جلا کر پلکوں کی دہلیز پہ رکھنا 

میں بھی روز اک خواب تمہارے شہر کی جانب بھیجوں گا 

ہجر کے دریا میں تم پڑھنا لہروں کی تحریریں بھی 

پانی کی ہر سطر پہ میں کچھ دل کی باتیں لکھوں گا 

جس تنہا سے پیڑ کے نیچے ہم بارش میں بھیگے تھے 

تم بھی اس کو چھو کے گزرنا میں بھی اس سے لپٹوں گا 

خواب مسافر لمحوں کے ہیں ساتھ کہاں تک جائیں گے 

تم نے بالکل ٹھیک کہا ہے میں بھی اب کچھ سوچوں گا 

بادل اوڑھ کے گزروں گا میں تیرے گھر کے آنگن سے 

قوس قزح کے سب رنگوں میں تجھ کو بھیگا دیکھوں گا 

بے موسم بارش کی صورت دیر تلک اور دور تلک 

تیرے دیار حسن پہ میں بھی کن من کن من برسوں گا 

شرم سے دہرا ہو جائے گا کان پڑا وہ بندا بھی 

باد صبا کے لہجے میں اک بات میں ایسی پوچھوں گا 

صفحہ صفحہ ایک کتاب حسن سی کھلتی جائے گی 

اور اسی کی لے میں پھر میں تم کو ازبر کر لوں گا 

وقت کے اک کنکر نے جس کو عکسوں میں تقسیم کیا 

آب رواں میں کیسے امجدؔ اب وہ چہرہ جوڑوں گا 

Amjad Islam Amjad Poetry In Urdu

غزل

آئینوں میں عکس نہ ہوں تو حیرت رہتی ہے 

جیسے خالی آنکھوں میں بھی وحشت رہتی ہے 

ہر دم دنیا کے ہنگامے گھیرے رکھتے تھے 

جب سے تیرے دھیان لگے ہیں فرصت رہتی ہے 

کرنی ہے تو کھل کے کرو انکار وفا کی بات 

بات ادھوری رہ جائے تو حسرت رہتی ہے 

شہر سخن میں ایسا کچھ کر عزت بن جائے 

سب کچھ مٹی ہو جاتا ہے عزت رہتی ہے 

بنتے بنتے ڈھ جاتی ہے دل کی ہر تعمیر 

خواہش کے بہروپ میں شاید قسمت رہتی ہے 

سائے لرزتے رہتے ہیں شہروں کی گلیوں میں 

رہتے تھے انسان جہاں اب دہشت رہتی ہے 

موسم کوئی خوشبو لے کر آتے جاتے ہیں 

کیا کیا ہم کو رات گئے تک وحشت رہتی ہے 

دھیان میں میلہ سا لگتا ہے بیتی یادوں کا 

اکثر اس کے غم سے دل کی صحبت رہتی ہے 

پھولوں کی تختی پر جیسے رنگوں کی تحریر 

لوح سخن پر ایسے امجدؔ شہرت رہتی ہے 

Amjad Islam Amjad Poetry Shayari & Ghazals

غزل

تھے خواب ایک ہمارے بھی اور تمہارے بھی 

پر اپنا کھیل دکھاتے رہے ستارے بھی 

یہ زندگی ہے یہاں اس طرح ہی ہوتا ہے 

سبھی نے بوجھ سے لادے ہیں کچھ اتارے بھی 

سوال یہ ہے کہ آپس میں ہم ملیں کیسے 

ہمیشہ ساتھ تو چلتے ہیں دو کنارے بھی 

کسی کا اپنا محبت میں کچھ نہیں ہوتا 

کہ مشترک ہیں یہاں سود بھی خسارے بھی 

بگاڑ پر ہے جو تنقید سب بجا لیکن 

تمہارے حصے کے جو کام تھے سنوارے بھی 

بڑے سکون سے ڈوبے تھے ڈوبنے والے 

جو ساحلوں پہ کھڑے تھے بہت پکارے بھی 

پہ جیسے ریل میں دو اجنبی مسافر ہوں 

سفر میں ساتھ رہے یوں تو ہم تمہارے بھی 

یہی سہی تری مرضی سمجھ نہ پائے ہم 

خدا گواہ کہ مبہم تھے کچھ اشارے بھی 

یہی تو ایک حوالہ ہے میرے ہونے کا 

یہی گراتی ہے مجھ کو یہی اتارے بھی 

اسی زمین میں اک دن مجھے بھی سونا ہے 

اسی زمیں کی امانت ہیں میرے پیارے بھی 

وہ اب جو دیکھ کے پہچانتے نہیں امجدؔ 

ہے کل کی بات یہ لگتے تھے کچھ ہمارے بھی 

Amjad Islam Amjad Poetry Shayari & Ghazals in Urdu | Best Urdu Ghazals Collection By Amjad Islam Amjad | Amjad Islam Amjad Sad Poetry In Urdu